المواقع المحجوبة في الاردن

موضوع: المواقع المحجوبة في الاردن 9/8/2010, 01:08

حظرت الحكومة الاردنية على الموظفين في القطاع العام، تصفّح عدد من المواقع الالكترونية الإخبارية بحجة المحافظة على وقت العمل والانجاز.

ونقلت صحيفة “الغد” الاردنية اليومية في عددها الصادر يوم الخميس 29 تموز/يوليو 2010، عن مصدر وصفته بـ” الحكومي الرسمي” قوله “إن من حق المواطن دافع الضرائب أن يخصص الموظف العام كل وقته لخدمته أثناء الدوام الرسمي، بدلاً من قضاء وقته في تصفح مواقع إلكترونية”.

ورداً على سؤال عن تعميم صدر قبل أيام حظّر على الموظفين تصفح مواقع إلكترونية خلال ساعات دوامهم الرسمي، أوضح المصدر أنه “لم يقصد من هذا التعميم أي موقع إلكتروني بحد ذاته”، لافتاً إلى أن من “حق الموظف تصفح أي موقع إلكتروني يشاء خارج ساعات الدوام الرسمي”.

وكان موقع “كل الاردن” الاكتروني المعارض، كشف الاربعاء عن قرار اتخذته الحكومة بحجب مواقع معينة عن الاستخدام في الدوائر الرسمية، مشيراً إلى أن قائمة المواقع المحجوبة ضمت “كل الأردن”، “عمون”، “خبرني”، “أجبد”، “عمان نت”، “المدينة نيوز” و”سرايا”.
وتعتبر هذه المواقع مستقلة، وتتمتع بسقف عالٍ في انتقاد الحكومة، كما تحظى بشعبية كبيرة في الاردن

الموظف لخدمة المواطنيين ما فيه اشي غلط انه ممنوع تصفح المواقع الالكترونيه

يسلموا يا سام

شكرا يوسف على المداخلة و انا مع القرار بشرط ان يفصل النت عن الموضفين بشكل كامل و ليس مع حجب مواقع معينة

عالم اربد
منتديات نكشات

منتديات خربشات

why what who is when

يا رب ما حد يسمعك يا سامووووووووو رح نوكل هوى

انا مع الحجب

احنا ماننعطى وجهه الا من رحم ربي

يعني بالله موظف وجالس فاتح اليوتيوب من الصبح ايش ترتجي منه

الموظف المثالي النت ما بعطله عن شغله بس عنا هات تلاقي موظف مثالي

يعني الهدف هنا واضح المواقع المحجوبة هي التس تسمح للشخص ابداء رأيه بحرية وكتابة تعليق او خبر .هم ما بدهم زيادة بالانتقاد وليس همهم اوقات العمل .

بس مع هيك يعني لا بد من فصل النت كامل .الا بالدوائر المرتبطة مثلا باجهزة امنية .

بتعطله وعد ونص ...

بعض المواقع ادمان ...

وبالتقرير مكتوب حجب بعض المواقع يعني النت شغال بالوضع العام

انا عندي بالشغل محجوب اليتويوب وبعض المواقع مثل الدردشه وغيره ...

اذا كان الحجب عن اليوتيوب و الفيسبوك ماشي
بس عنا صار الحجب عن بعض المواقع الاردنية فقط

عالم اربد
منتديات نكشات

منتديات خربشات

why what who is when

يا اويس الحجب عن مواقع الاخبار والرد عليها مش عن الاغاني واليوتيوب والدردشة
ويعني هاي المواقع اكبر المواقع الي بتنشر عن اخبار الاردن كاملة

وطيب ليه زعلانين ...

الجرائد تصلكم يوميا تابعوا الاخبار منها في العمل ...

وتعويضا على القرار التعسفي اعطوها يوتيوب فيروز الصبح ومع نهايه الدوام نناسي وهيفا

هاي المواقع يا اويس تفضح كل شي
الجرايد اخبار مختصرة وكمان هاي المواقع بتقدر تعلق على اي موضوع وتحكي بصراحة رأيك

ماهو يانور عيني حق ...

ناس تترك شغلها وتعلق على كل خبر ... اصلا مارح يكون في شيء يعجب او يرضي والكل مشتكي وبده يتفشفش ...

ليه بفضفض بوقت الدوام

اذا رجع لبيته يعبر برائيه مثل مابده ...

وبعدين مافيها اي كتمان للحريه لانه المواقع مفتوحه خارج المؤسسات الحكوميه ...

ليش هالشغلة مش من زمان يعني بس هالفترة صارت غلط وشو يعني الشغل ذابح حاله عندهم اصلا اكثرهم قهوة وطق حنك

ماهو المشكله من جماعه القهوه والطق حنك هههههههه

تخيلي يكون قهوه وطق حنك ومواقع يفش غ غله يها .. ماصار بدوامه صار بغرفه نومه

انا مع الحجب بس يكون القرار عادل و يحجبو كل المواقع او يغلقو النت بالكامل مش على كيفهم يختارو مواقع اخبارية و المواقع الاباحية مفتوحة

يعني الامور واضحة سبب الحجب هو بسبب الانتخابات و بس

و بعدين لو تعرفو شو القانون الجديد انا نزلتة و وشوفو على شو بنص بالمادة رقم 13

عالم اربد
منتديات نكشات

منتديات خربشات

why what who is when

يمكن بسبب الانتخبات على فكره تحليل ممتاز

بس النت الان متوفر بكل مكان ... صحيح بالعمل رح يكون في قراء اكثر ...

يعني ممكن يكون الهدف الاساسي الانتخابات
كيف يعني؟؟؟؟

يعني عملية تغطية على المواطن على ما سيحدث من تزوير

الاحتمالات كثيرة لسبب الحجب ولاكن اخرها ما تدعية الحكومة لزيادة انتاج الموضفين

عالم اربد
منتديات نكشات

منتديات خربشات

why what who is when

زيادة انتاج ما اظن بس زي ما حكيت بدهم المواطن ما يدري شو بصير

اذا يا سام زي ما تقول انه حجب المواقع تغطيه عشان الانتخابات اذا المواقع المحجوبه هي مواقع اخباريه ووقت حجبها وقت الدوام لما يروح الموظف يفتح عنده بالبيت ويشوف كل شي انا اعتقد سبب الحجب انه بعض الموظفين لا يقوموا بعملهم بالشكل المطلوب

والله هي انحجبت لانه

هي المواقع بتفضح كتير من اعمال وخروقات سببها الحكومة والوزراء

والمسولين

وهي تقريبا تهديد لاصحاب هي المواقع بمنعهم من نقل المعلومة الصحيحة للمواطن

فهي التي تنقل لنا اول باول مايحدث ويدور بالخفاء

وجلالة سيدنا الملك عبدالله قال بان حرية التعبر عن الراي

حدودها السماء حتى تصل للمواطن

والموظف لماذا لم يمنع سوى مواقع اردنية التي هي تهمه
وتهم عائلته

وهما عارفين انه اخ اويس مش كل الموظفين عندهم انترنت

بالييت وما بيقدروا يذهبو ا بعد الدوام لمقهى انترنت

هياك بصير الموظف ما بيعرف ايش بصير الاالي بدها اياه الحكومة

اي دخيله انا الموظف اللي ما بقدر يداوم من غير انترنت
يحمدو ربهم اصلا انهم قاعدين على مكاتب

مش المبدأ الانترنت يا عقيد
المبدأ حجب المواقع الاخبارية الاردنية وبس والتي تنقل المعلومة على السريع وبطرف عين

يوسف علاوي كتب:

اذا يا سام زي ما تقول انه حجب المواقع تغطيه عشان الانتخابات اذا المواقع المحجوبه هي مواقع اخباريه ووقت حجبها وقت الدوام لما يروح الموظف يفتح عنده بالبيت ويشوف كل شي انا اعتقد سبب الحجب انه بعض الموظفين لا يقوموا بعملهم بالشكل المطلوب

اولا مش كل الموضفين عندهم انترنت بالبيت
ثانيا لو كان عشان الموضفين يقومو بعملهم المفروض يتم حجب الفيس بوك و اليوتيوب و المواقع الاباحية
مش يجو على المواقع الاردنية الاخبارية و تاركين باقي مواقع العالم

يا جماعة والله مبينة بس بدهم يخلي المواطن مغمض وما يدري عن شي

و عرب تايمز طبعا محجوب عن كل الاردن مش بس الدوائر الحكومية